U Rumynii zaćvierdzili prajeŭrapiejski ŭrad
23 červienia 2025 hoda parłamient Rumynii zaćvierdziŭ novy kaalicyjny ŭrad na čale z prajeŭrapiejskim palitykam Ilije Bałažanam, lidaram Nacyjanał-libieralnaj partyi i byłym časovym prezidentam krainy.
Ilije Bałažan. Fota: Beata Zawrzel/NurPhoto via Getty Images
Za zaćviardžeńnie ŭrada prahałasavaŭ 301 deputat, tolki dzieviać byli suprać. Ultrapravaja partyja AUR bajkatavała hałasavańnie i pakinuła zału.
Členy novaha ŭrada pavinny skłaści prysiahu ŭviečary ŭ Prezidenckim pałacy, paśla čaho aficyjna pačnuć pracu.
Kaalicyja, jakaja padtrymlivaje Bałažana, uklučaje čatyry palityčnyja siły i maje bolšaść u parłamiencie — bolš za 60%. Pavodle kaalicyjnaha pahadnieńnia, u 2027 hodzie jaho na pasadzie premjera zamienić pradstaŭnik Sacyjał-demakratyčnaj partyi.
U novym kabiniecie 16 ministraŭ i niekalki vice-premjeraŭ. Ministerstvy abarony i zamiežnych spraŭ uznačalili pradstaŭniki prajeŭrapiejskaha Sajuza za vyratavańnie Rumynii — Ianuc Mašcianu i Aana Toju adpaviedna.
Kandydaturu Bałažana na pasadu kiraŭnika ŭrada na minułym tydni vyłučyŭ prezident krainy Nikušor Dan.
Čytajcie taksama:
Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu
Paśla pravalnych prezidenckich vybaraŭ pajšoŭ u adstaŭku premjer Rumynii