Adzin z 14 pamiłavanych — palak Chubiert Mruz, asudžany za narkotyki
U jaho spravie niama palityki, ale Polšča zmahła dastać svajho hramadzianina ź biełaruskaj turmy.
Chubiert Mruz
U liku 14 čałaviek, pamiłavanych Alaksandram Łukašenkam u dzień pryjezdu, byŭ hramadzianin Polščy Chubiert Mruz. Jaho historyja nie maje ničoha ahulnaha z palityčnymi ci špijonskimi historyjami.
Na radzimie chłopiec pracavaŭ na budoŭli, na składzie kramy, byŭ kurjeram.
Hod nazad jon pajechaŭ u Brest vyrvać zub — bo heta ŭdvaja tańniej, čym u Polščy.
Na miažy ŭ Mruza znajšli ŭ kišeni marychuanu i amfietaminy, jakija jon zabyŭ dastać. Reč u tym, što Chubiert spažyvaŭ narkotyki 14 hadoŭ, lačyŭsia ŭ klinicy — ale marna.
Za sprobu kantrabandy narkotykaŭ jon atrymaŭ kala piaci hadoŭ źniavoleńnia.
U mai 2025 hoda prapahandysty z BT zapisali ŭ kałonii jaho karotki manałoh pra abstaviny spravy.
Ciapier Mruz viarnuŭsia ŭ Polšču.