U Sudžanskim rajonie Rasii maradziory zabili načalnika vajennaj palicyi
Načalnik vajennaj palicyi chacieŭ zatrymać maradzioraŭ, jakich «da hetaha času šmat», pišuć rasijskija kanały.
Jak paviedamiŭ kiraŭnik Kurskaj vobłaści Alaksandr Chinštejn, Alaksiej Žaraŭ z pazyŭnym «Žara» słužyŭ u Korenieŭskim, a zatym Hłuškoŭskim i Sudžanskim rajonach.
Kanał «VČK-OHPU» ŭdakładniaje, što Žaraŭ chacieŭ zatrymać maradzioraŭ. «Ich tam da hetaha času šmat, a jany akazali supraciŭ i zabili jaho», — piša kanał.
Padazravanyja ŭ zabojstvie zatrymanyja.
Chinštejn zajaviŭ, što zabity zasłuhoŭvaje paśmiarotnaha ŭznaharodžańnia.
U žniŭni 2024 hoda Ukraina praviała šyrokamaštabnuju apieracyju i zaniała kala 1 300 km² u Kurskaj vobłaści RF, uklučajučy Sudžu i bolš za 80 nasielenych punktaŭ. U sakaviku 2025 hoda rasijskaja armija zajaviła pra poŭnaje vyzvaleńnie Sudžy.