У Суджанскім раёне Расіі марадзёры забілі начальніка ваеннай паліцыі
Начальнік ваеннай паліцыі хацеў затрымаць марадзёраў, якіх «да гэтага часу шмат», пішуць расійскія каналы.
Як паведаміў кіраўнік Курскай вобласці Аляксандр Хінштэйн, Аляксей Жараў з пазыўным «Жара» служыў у Корэнеўскім, а затым Глушкоўскім і Суджанскім раёнах.
Канал «ВЧК-ОГПУ» ўдакладняе, што Жараў хацеў затрымаць марадзёраў. «Іх там да гэтага часу шмат, а яны аказалі супраціў і забілі яго», — піша канал.
Падазраваныя ў забойстве затрыманыя.
Хінштэйн заявіў, што забіты заслугоўвае пасмяротнага ўзнагароджання.
У жніўні 2024 года Украіна правяла шырокамаштабную аперацыю і заняла каля 1 300 км² у Курскай вобласці РФ, уключаючы Суджу і больш за 80 населеных пунктаў. У сакавіку 2025 года расійская армія заявіла пра поўнае вызваленне Суджы.