Japonskaje ŚMI abvierhła, što japonski vykładčyk Masatosi byŭ pamiłavany
Vydańnie asahi.com vybačyłasia za niedakładnaść i napisała, što Nakanisi Masatosi — były vykładčyk HDU, jakoha asudzili da 7 hadoŭ kałonii za «ahienturnuju dziejnaść», nasamreč nie byŭ pamiłavany, piša «Homielskaja viasna». Jaho pierabłytali ź inšym hramadzianinam Japonii. Ale jaho imia nie nazyvajecca.
Japonca Nakanisi Masatosi prysudzili da maksimalnaha terminu.
Jaho abvinavacili ŭ «ahienturnaj dziejnaści» (art. 358-1 KK) z 2018-ha pa 2024-y hady. Praces u zakrytym režymie viała sudździa Anžeła Kaściukievič.
Nakanisi Masatosi — hramadzianin Japonii. Jaho zatrymali ŭ lipieni 2024 hoda, ale padrabiaznaści jaho pieraśledu raspaviali ŭ vieraśni ŭ siužecie BT.
Śćviardžałasia, što mužčyna «ažyćciaŭlaŭ zbor i pieradaču na adras japonskaj śpiecsłužby raźviedvalnaj infarmacyi vajskovaha charaktaru».
21 červienia paśla vizitu ŭ Minsk Kita Kełaha, śpiecpasłańnika prezidenta ZŠA, stała viadoma pra vyzvaleńnie ź miescaŭ źniavoleńnia ŭ Biełarusi 14 palityčnych źniavolenych. Ź ich 10 — zamiežniki ci biełarusy z dvajnym hramadzianstvam.
Čytajcie taksama:
Japonca Nakanisi Masatosi asudzili ŭ Biełarusi da 7 hod kałonii
Japonskim dypłamatam nie dazvolili prysutničać na sudzie nad japoncam
Na Biełaruskaj čyhuncy zatrymali jašče adnaho hramadzianina Japonii
Japonija vykazała Biełarusi pratest u suviazi z vychadam u efir prahramy pra zatrymanaha japonca
U Biełarusi paviedamili pra zatrymańnie ahienta japonskich śpiecsłužbaŭ