77-hadovaja žančyna jechała addać dakumienty ŭ sud, a ŭ vyniku adviezła za miažu čužyja hrošy
Žančynie napiaredadni patelefanavali nibyta z «Biełtelekama» i na padstavie padaŭžeńnia damovy na akazańnie pasłuh vymanili pašpartnyja źviestak.
Paśla ź joj źviazaŭsia łže-pravaachoŭnik i paviedamiŭ, što z vykarystańniem jaje asabistych danych ažyćciaŭlajucca niezakonnyja finansavyja apieracyi, paviedamlaje «Milicyja Minska».
Mužčyna pierakanaŭ žančynu, što machlar ustanoŭleny i kryminalnaja sprava rychtujecca da pieradačy ŭ sud. Piensijanierku paprasili vystupić śviedkaj i advieźci niedastajučyja dakumienty dla sudovaha pasiadžeńnia ŭ susiedniuju dziaržavu.
Pa «važnyja papiery» minčanka pajechała pa pakazanym joj adrasie, dzie zabrała ŭ padmanutaj 76-hadovaj paciarpiełaj pakiet, u jakim znachodzilisia 4500 rubloŭ, adviezła za miažu i pieradała nieviadomym.
Zaviedziena kryminalnaja sprava za machlarstva.