Ratviejler napaŭ na šaścihadovaha chłopčyka ŭ Astravieckim rajonie — dzicia ŭ ciažkim stanie
Chłopčyka špitalizavali ź ciažkimi traŭmami noh.
Ilustracyjnaje fota. Fota: telehram-kanał UUS Hrodzienskaha abłvykankama
Pra trahičny vypadak adbyŭsia ŭ vioscy Markuny Astravieckaha rajona ŭ niadzielu kala 11-j ranicy paviedamlaje Hrodzienskaje UUS.
Dvoje dziaciej jechali na viełasipiedach, kali z-za płota adnaho z damoŭ niečakana vyskačyŭ ratviejler. Adzin z chłopčykaŭ paśpieŭ uciačy i paklikaŭ darosłych, a druhi — spałochaŭsia, upaŭ z rovara, i na jaho kinuŭsia sabaka.
Darosłym udałosia adciahnuć sabaku i zakryć jaho ŭ valjery. Ale da hetaha momantu dzicia ŭžo było mocna paraniena — ratviejler nanios surjoznyja paškodžańni naham. Chłopčyka ŭ ciažkim stanie dastavili ŭ balnicu.
Pavodle milicyi, sabaka byŭ zarehistravany i raniej nie prajaŭlaŭ ahresii. Ciapier śledčyja dajuć pravavuju acenku dziejańniam uładalnika. Va Upraŭleńni ŭnutranych spraŭ Hrodzienskaha abłvykankama nahadvajuć, što haspadary bujnych sabak niasuć poŭnuju adkaznaść za svaich žyvioł i nastupstvy ich pavodzinaŭ.