Ратвейлер напаў на шасцігадовага хлопчыка ў Астравецкім раёне — дзіця ў цяжкім стане
Хлопчыка шпіталізавалі з цяжкімі траўмамі ног.
Ілюстрацыйнае фота. Фота: тэлеграм-канал УУС Гродзенскага аблвыканкама
Пра трагічны выпадак адбыўся ў вёсцы Маркуны Астравецкага раёна ў нядзелю каля 11-й раніцы паведамляе Гродзенскае УУС.
Двое дзяцей ехалі на веласіпедах, калі з-за плота аднаго з дамоў нечакана выскачыў ратвейлер. Адзін з хлопчыкаў паспеў уцячы і паклікаў дарослых, а другі — спалохаўся, упаў з ровара, і на яго кінуўся сабака.
Дарослым удалося адцягнуць сабаку і закрыць яго ў вальеры. Але да гэтага моманту дзіця ўжо было моцна паранена — ратвейлер нанёс сур’ёзныя пашкоджанні нагам. Хлопчыка ў цяжкім стане даставілі ў бальніцу.
Паводле міліцыі, сабака быў зарэгістраваны і раней не праяўляў агрэсіі. Цяпер следчыя даюць прававую ацэнку дзеянням уладальніка. Ва Упраўленні ўнутраных спраў Гродзенскага аблвыканкама нагадваюць, што гаспадары буйных сабак нясуць поўную адказнасць за сваіх жывёл і наступствы іх паводзінаў.