Pamior Radzim Harecki
Akademiku-hieołahu było 96 hadoŭ.
U pierałomny momant biełaruskaj historyi, u 2000 hodzie, jon staŭ sustaršynioj Usiebiełaruskaha źjezda za niezaležnaść.
Jon naradziŭsia ŭ 1928 hodzie ŭ Miensku, u siamji Haŭryły Hareckaha, adnaho z zasnavalnikaŭ i pieršych pravadziejnych členaŭ Biełaruskaj akademii navuk, i Łarysy Hareckaj (u dziavoctvie Parfianovič). Plamieńnik Maksima Hareckaha, biełaruskaha piśmieńnika.
Z 1992 pa 1997 hod Radzim Harecki byŭ vice-prezidentam Akademii navuk Biełarusi.
Jon usimi siłami padtrymaŭ ruch za niezaležnaść Biełarusi i dapamahaŭ stanaŭleńniu hramadzianskaj supolnaści Biełarusi. Z 1993 hoda jon staŭ prezidentam Zhurtavańnia biełarusaŭ śvietu «Baćkaŭščyna».
U knizie «Achviaruju svaim «ja»… (Maksim i Haŭryła Hareckija)» (1998) Radzim Harecki apisaŭ trahičny los svaich blizkich.