Siarod vyzvalenych u Biełarusi — troje polskich hramadzian
Andžeja Pačobuta siarod ich niama.
Ilustracyjnaje fota: «Viasna»
U Ministerstvie zamiežnych spraŭ Polščy paviedamili, što siarod 14 vyzvalenych siońnia viaźniaŭ ź biełaruskich turmaŭ jość troje hramadzian Polščy.
Ich imiony nie nazyvajucca.
«Polski bok nieadnarazova źviartaŭsia z prośbami ab vyzvaleńni hetych hramadzian, i ich pieradača adbyłasia pry ŭdziele pradstaŭnika MZS Polščy ŭ ambasadzie ZŠA ŭ Vilni», — paviedamiła MZS.
Viedamstva dadaje, što spadziajecca, što vizit u Minsk śpiecpradstaŭnikoŭ prezidenta ZŠA — hienierała Kita Kiełoha, Džona Koeła i Krysa Śmita — stanie pieršym krokam da vyzvaleńnia inšych polskich źniavolenych, u tym liku Andžeja Pačobuta.