«Siarhiej Cichanoŭski ŭ vielmi badziorym stanie, toj Siarhiej Cichanoŭski, jakoha my viedajem»
21 červienia byli vyzvaleny 14 palitviaźniaŭ. Dypłamatyčny daradca Cichanoŭskaj Dzianis Kučynski raskazaŭ, što ciapier ź imi.
Vyzvaleny Siarhiej Cichanoŭski ŭ Vilni. Fota: «Radyjo Svaboda»
Siarod 14 źniavolenych nie tolki biełarusy, ale i piać inšych nacyjanalnaściaŭ, adznačyŭ Kučynski. U liku tych, kaho pryvieźli ŭ Vilniu, niama błohiera Ihara Łosika.
«My vielmi ŭdziačnyja prezidentu Trampu, jahonaj kamandzie, Krysu Śmitu, hienierału Kiełahu, za ich lidarstva ŭ pytańni vyzvaleńnia biełaruskich palitviaźniaŭ.
Ale my budziem praciahvać zmahańnie za vyzvaleńnie ŭsich biełaruskich palitviaźniaŭ, u tym liku Ihara Łosika. Zaraz my sprabujem uładkavać biełarusaŭ, kab jany mieli ŭsiu patrebnuju dapamohu dla reabilitacyi, dla taho, kab mieć dach nad hałavoj», — kaža jon.
Kučynski raskazaŭ taksama, jak pačuvajecca Siarhiej Cichanoŭski.
«Siarhiej Cichanoŭski ŭ vielmi badziorym stanie, toj Siarhiej Cichanoŭski, jakoha my viedajem, jaki zachapiŭ sercy miljonaŭ biełarusaŭ».