Kiraŭnik paleścinskaha padraździaleńnia KVIR zabity ŭ kvatery ŭ Iranie
Ministr abarony Izraila Izrael Kac zajaviŭ, što Said Izadzi, kiraŭnik paleścinskaha padraździaleńnia Korpusa vartavych isłamskaj revalucyi (KVIR), byŭ zabity ŭ kvatery ŭ horadzie Kum.
Said Izadzi. Fota: Tasnim
Raniej ŚMI paviedamlali, što dva čałavieki stali achviarami ŭdaraŭ Izraila pa iranskim horadzie Kum, jašče čaćviora atrymali ranieńni.
Pa słovach Kaca, Izadzi «finansavaŭ i ŭzbroiŭ CHAMAS» pierad atakaj 7 kastryčnika.
«Vialikaje dasiahnieńnie dla izrailskaj raźviedki i VPS, spraviadlivaść dla zabitych i vykradzienych. Doŭhaja ruka Izraila naścihnie ŭsich jaho vorahaŭ», — zajaviŭ ministr.