U adnym z mahiloŭskich internataŭ pasialilisia čyrvanaknižnyja ptuški
U adnym ź internataŭ Mahilova na vulicy Hryšyna ŭ mikrarajonie Technaprybor pasialilisia dźvie siamji pustalhoŭ — redkich sokałaŭ, zaniesienych u Čyrvonuju knihu Biełarusi. Ich znajšoŭ miascovy žychar Alaksiej Barysaŭ, jaki naziraje za ptuškami ź viasny, robić fatazdymki i dzielicca svaimi ŭražańniami, piša «Smartpres».
Fota Alaksieja Barysava
Alaksiej Barysaŭ raskazaŭ, što kožnaja siamja žyvie na svajoj častcy haryšča i ŭžo maje ptušaniat.
Pustalhi aktyŭna palujuć u mikrarajonie, što pryciahvaje šmat miascovych «hledačoŭ». Alaksiej čuŭ, što rabotniki internata źbiralisia zakryć nišy, dzie žyvuć ptuški, ale kali daviedalisia, što heta achoŭny vid, ad svajoj idei admovilisia.
Fota Alaksieja Barysava
Zahadčyca internata Łarysa Cimafiejeva paćvierdziła, što hniozdy sapraŭdy jość, i padkreśliła: pustalhi nikomu nie pieraškadžajuć, tamu vysialać ich nichto nie budzie. Nišy ŭ voknach zastanucca adčynienymi, a voś techničnyja kanały dla vientylacyi zakryjuć — kab paźbiehnuć zasialeńnia haryšča hałubami.
Fota Alaksieja Barysava
Pustalha — ptuška III katehoryi achovy, heta značyć — redki vid, ale pakul jašče nie na miažy źniknieńnia. U apošnija hady hetyja sokały ŭsio čaściej abirajuć dla žyćcia haradskija budynki, utvarajučy cełyja «haradskija kałonii». Pustalhi zmahajucca z hryzunami, tamu mohuć być karysnymi dla haradskoha asiarodździa.
Fota Alaksieja Barysava