Ministr sportu choča ŭklučyć biełaruskija futbolnyja kłuby ŭ rasijski čempijanat

Ministr sportu i turyzmu Biełarusi Siarhiej Kavalčuk u intervju TASS Pieciarburhskaha mižnarodnaha ekanamičnaha forumu padčas padzialiŭsia płanami pa mahčymym abjadnańni dvuch nacyjanalnych futbolnych pieršynstvaŭ.

Siarhiej Kavalčuk

«Hetaje pytańnie abmiarkoŭvajecca daŭno. Adnak tut, kab paźbiehnuć kanfrantacyi z suśvietnaj futbolnaj supolnaściu, treba sadzicca i vyrašać trom bakam: UEFA, BFF i RFS.

Dumaju, heta pajšło b nam na karyść. Na prykładzie chakieja i KCHŁ my bačym, što heta vialiki plus. Na pačatkovym etapie dastatkova adnaho našaha kłuba, ale patencyjna ŭ Rasijskuju prafiesijnuju lihu mahli b uvajści dźvie našy kamandy», — skazaŭ Kavalčuk.

Pry hetym abjadnańnie dvuch čempijanataŭ supiarečyć rehłamientu UEFA. Raniej u BFF, nasupierak mierkavańniu Minsportu, vykazvalisia pra niežadańnie intehravacca z rasijskim futbołam.

Važna taksama, što paśla pačatku poŭnamaštabnaj vajny Rasii suprać Ukrainy ŭ lutym 2022 hoda rasijskija futbolnyja kłuby byli adchilenyja ad udziełu ŭ jeŭrapiejskich kłubnych turnirach, toje ž samaje tyčycca i rasijskaj zbornaj. U toj ža čas biełaruskija kłuby i zbornaja praciahvajuć paŭnavartasna vystupać u mižnarodnych turnirach, choć i z abmiežavańniami kštałtu zabarony hulać chatnija matčy ŭ Biełarusi.

Kamientary da artykuła