U Rasii zasnavalnicu ruchu «Armija pryhažuń» prysudzili da 22 hadoŭ pazbaŭleńnia voli
Druhi zachodni akruhovy vajskovy sud Rasii prysudziŭ aktyvistku Nadzin Hiejśler (Nadzieju Rasinskuju) da 22 hadoŭ pazbaŭleńnia voli. Hiejśler abvinavačvałałasia ŭ dziaržzdradzie, finansavańni teraryzmu i publičnych zaklikach suprać biaśpieki Rasii, paviedamlaje «Dožd́».
Sud aryštavaŭ Hiejśler u lutym 2024 hoda. Jaje abvinavacili ŭ zaklikach da dziejnaści suprać biaśpieki dziaržavy, a paźniej — u sadziejničańni teraryzmu i dziaržzdradzie.
Pa viersii śledstva, u žniŭni 2023 hoda dziaŭčyna apublikavała ŭ Instagram infarmacyju ab zbory humanitarnaj dapamohi dla USU. Hiejśler nie pryznała vinu, zajaviŭšy, što akaŭnt nie naležyć joj.
U 2022 hodzie Nadzin Hiejśler zasnavała žanočy vałanciorski ruch «Armija pryhažuń. Pavodle apisańnia ŭ sacsietkach, ruch źbiraŭ humanitarnuju dapamohu i dapamahaŭ mirnym žycharam Ukrainy.