U lipieni buduć istotnyja źmieny ŭ maršrutach niekatorych ciahnikoŭ

Biełaruskaja čyhunka paviedamlaje, što z-za ramontu čyhunačnaha mosta na ŭčastku «Žabinka — Brest», jaki projdzie z 9:30 15 lipienia da 4:00 16 lipienia, buduć časova źmienienyja raskład i maršruty šerahu ciahnikoŭ.

Fota ilustracyjnaje

Jak źmieniacca maršruty mižnarodnych ciahnikoŭ:

• Ciahnik «Maskva — Brest» №3/4 14 lipienia pajedzie tolki da stancyi «Baranavičy-Paleskija». Adtul ža adpravicca nazad u Maskvu 15 lipienia ŭviečary.
• Ciahnik «Maskva — Brest» №27/28 14 lipienia dojdzie tolki da Žabinki, zvarotny rejs taksama budzie adtul.
• Ciahnik «Sankt-Pieciarburh — Brest» №51/52 taksama skončyć maršrut u Žabincy 15 lipienia i vierniecca nazad z hetaj stancyi.

Rehijanalnyja ciahniki:

• Ciahniki biznes-kłasa pamiž Minskam i Brestam 15 lipienia buduć kursiravać tolki da Žabinki, častka ź ich budzie admieniena.
• Z 21 červienia ciahniki №736 i №737 absłuhoŭvajucca z vakzała «Minsk-Pasažyrski».

Rehijanalnyja źmieny i admieny:

• Ciahnik «Połack — Viciebsk — Brest» №605/606 14 lipienia dojdzie tolki da Ivanava (Janoŭ-Paleski), nazad adpravicca taksama ź Ivanava 15 lipienia.
• Bieśpierasadačnyja vahony na maršrucie «Hrodna — Brest — Hrodna» admienienyja na 14-15 lipienia.
• Ciahniki №604 «Brest — Homiel» i №658 «Brest — Minsk — Połack» 15 lipienia pačnuć ruch z Žabinki, №658 pajedzie praź Pinsk i Łuniniec.

Kamientary da artykuła