Natalla Piatkievič vyrašyła być bolš ścipłaj u adzieńni. Jana pryjšła da Łukašenki ŭ pinžaku ŭsiaho za 300 dalaraŭ

Dla siońniašniaj narady ŭ Łukašenki vice-premjerka Natalla Piatkievič vybrała błejzier u vajskovym styli.

Natalla Piatkievič. Fota: BiełTA

Heta śvietła-šery pinžak strohaha siłuetu z čornymi ŭstaŭkami pa linii hrudziej i kišeniaŭ ad brendu If Only Studio.

Fota: BiełTA

If Only Studio — amierykanski brend, aryjentavany na pakupnika ź siarednim dachodam. Jaho pradukcyja nie adnosicca da luksavaha siehmienta, a chutčej pazicyjanujecca jak modnaja i dastupnaja alternatyva dla tych, chto šukaje jakasnaje adzieńnie pa razumnaj canie.

Pieršapačatkova błejzier Piatkievič kaštavaŭ 295 dalaraŭ, ciapier ža na jaho źnižka — nabyć takuju madel možna za 110 dalaraŭ.

Skrynšot sajta saksfifthavenue.com

Raniej Natalla Piatkievič źjaŭlałasia na publicy ŭ žakietach Gucci i Veronica Beard, demanstravała darahi remień Hermes.

Na fonie maleńkaj šaŭkovaj chustki Hermes koštam 500-550 dalaraŭ, jakuju Natalla elehantna paviazała na šyju padčas pajezdki ŭ Smalavičy, siońniašni błejzier amal za 300 dalaraŭ vyhladaje bolš ścipła.

Kamientary da artykuła