Ministr abarony Izraila: Fizičnaja likvidacyja ajatały Chamieniei — heta adna z metaŭ vajny ź Iranam
Kiraŭnik Minabarony Israel Kac paraŭnaŭ duchoŭnaha lidara Irana z Hitleram i zajaviŭ, što taki čałaviek «nie pavinien isnavać», piša Bi-bi-si.
Fota: Office of the Iranian Supreme Leader via AP
«Kali b padčas Chałakostu isnavała dziaržava Izrail, i my b viedali, što možam adpravić CACHAŁ u bunkier, kab zachapić Hitlera i pieraškodzić jamu źniščyć habrejaŭ, my b heta zrabili, — zajaviŭ Kac padčas naviedvańnia miesca iranskaha rakietnaha ŭdaru ŭ Chałonie.
«Chamieniei — heta sučasny Hitler», — dadaŭ jon.
Na pytańnie, ci ŭvachodzić likvidacyju Chamieniei ŭ mety vajny, Israel Kac adkazaŭ: «Mety vajny — likvidavać jadziernuju pahrozu, likvidavać krynicy razbureńnia i niejtralizavać rakietnyja pahrozy. U hetych ramkach CACHAŁ atrymaŭ instrukcyi i viedaje, što dla dasiahnieńnia ŭsich metaŭ, niesumnienna, hety čałaviek bolš nie pavinien isnavać».
Čytajcie taksama:
Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja
Viarchoŭny lidar Irana Chamieniei zaklikaŭ da rašučych dziejańniaŭ u dačynieńni da Izraila
Tramp uchvaliŭ płan ataki na Iran, ale pakul ustrymlivajecca ad zahadu