Ministr aśviety Rasii pavinšavaŭ «Artek» z pamyłkaj
Ministr aśviety Rasii Siarhiej Kraŭcoŭ pavinšavaŭ sa 100-hodździem dziciačy łahier «Artek», što znachodzicca ŭ akupavanym Krymie, z pamyłkaj. Fota jaho vinšavańnia apublikavaŭ Ateo Breaking.
Kraŭcoŭ prapuściŭ litaru «d» u słovie «prazdnik».
Heta słoŭnikavaje słova ŭ ruskaj movie. Heta značyć, što jaho napisańnie treba prosta zapomnić, bo pravieračnaha słova da jaho nie isnuje.
Kraŭcoŭ — ministr aśviety Rasijskaj Fiederacyi z 2020 hoda. Doktar piedahahičnych navuk. Pa adukacyi — nastaŭnik matematyki i infarmatyki.