Naŭsieda nie ličyć vučeńni «Zachad-2025» padstavaj dla chvalavańnia

Prezident Litvy Hitanas Naŭsieda ličyć, što niama padstaŭ dla chvalavańnia z-za pryznačanych na vosień rasijska-biełaruskich vajskovych vučeńniaŭ «Zachad». Pavodle jaho słoŭ, heta zvyčajnyja vučeńni, jakija choć i pakazvajuć ahresiŭnuju pazicyju Rasii, ale nie majuć za metu eskałacyi kanfliktu z NATA, piša Delfi.lt.

Hitanas Naŭsieda

Prezident Litvy adznačyŭ, što masštaby vučeńniaŭ buduć značna mienšymi, čym u 2021 hodzie — u 2—3 razy, bo Rasija ciapier zadziejničanaja ŭ vajnie va Ukrainie i pierakinuła šmat techniki i vojskaŭ na front.

Taksama Naŭsieda padkreśliŭ, što NATA praviadzie svaje vučeńni ŭ rehijonie — u krainach Bałtyi, Polščy i Finlandyi, što stanie svajho rodu adkazam.

Vučeńni «Zachad» zapłanavanyja na vierasień 2025 hoda. Aficyjna jany nakiravanyja na adpracoŭku abarončaha i nastupalnaha ŭzajemadziejańnia vojskaŭ Biełarusi i Rasii, ale krainy-susiedzi tradycyjna ŭsprymajuć hetyja vučeńni z tryvohaj, bajučysia mahčymych incydentaŭ ci pravakacyj. Tym bolš što ŭ lutym 2022 hoda Rasija dała dla hetaha niepasrednyja padstavy. 

Kamientary da artykuła