U Słonimie pačali kłaści ŭ kaŭbasu razam ź miasam bulbu

U Słonimie pačali vypuskać novy miasny pradukt — varana-vendžanuju kaŭbasu z bulbaj, piša rasijskaje vydańnie Sputnik. Jak raskazała hałoŭny technołah Słonimskaha miasakambinata Ludmiła Łukaševič, technałohija vytvorčaści hetaj kaŭbasy ŭnikalnaja i ŭžo ŭniesiena ŭ nacyjanalny rejestr Knihi rekordaŭ Biełarusi.

Fota ilustracyjnaje

Pavodle słoŭ Ludmiły Łukaševič, ideja ŭźnikła z ulikam kulinarnych pieravah biełarusaŭ: usie lubiać miasa i bulbu, jakaja niaredka nazyvajecca druhim chlebam. Tamu vyrašyli abjadnać hetyja dva pradukty ŭ adnym.

Kaŭbasa, pa słovach śpiecyjalistki, zacikaviła nie tolki biełarusaŭ, ale i pakupnikoŭ u inšych krainach. Jaje ŭžo pakazvali na mižnarodnych vystavach, a taksama pačali pastaŭlać u Rasiju i Kazachstan.

Ludmiła Łukaševič adznačyła, što dla vytvorčaści padychodziać nie ŭsie hatunki bulby — važna, kab jana mieła patrebnuju ščylnuju teksturu i nie była miakkaj. U ahulnym składzie praduktu — kala 25% bulby.

Kamientary da artykuła