Šmatdzietnuju maci, jakaja pracavała ŭ banku i viała błoh, pasadzili ŭ kałoniju i nazvali terarystkaj
Hannu Papaj asudzili pa troch palityčnych artykułach.
Hanna Papaj. Fota ź jaje staronki ŭ Adnakłaśnikach
Hańnie Papaj 45 hadoŭ. Rodam jana sa Žłobina. Skončyła Minski dziaržaŭny linhvistyčny ŭniviersitet i z taho času žyvie ŭ Minsku. Doŭhi čas žančyna pracavała ŭ bankaŭskaj śfiery — u adździełach pa absłuhoŭvańni klijentaŭ. Apošniaje miesca — banku «Handlovy kapitał» (jon ža TK Bank).
Hanna lubić vypiakać, a taksama viadzie tyktok-kanał, dzie raspaviadaje pra toje, jak lepš uziać kredyt na kvateru, jak abrać dobraje žytło.
Hanna Papaj. Fota ź jaje staronki ŭ Adnakłaśnikach
U Hanny troje dziaciej — dva niepaŭnaletnija syny i darosłaja dačka.
Žančynu zatrymali ŭ kastryčniku 2024 hoda. Hannu Papaj asudzili pa troch artykułach — «zakliki da pryčynieńnia škody Biełarusi» (č. 3 art. 361 KK), «raspalvańnie varožaści» (č. 1 art. 130 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK).
Pa źviestkach inicyjatyvy Dissidentby, joj, mierkavana, prysudzili dva z pałovaj hady kałonii.
Paśla prysudu Hannu Papaj dadali ŭ śpisy «ekstremistaŭ» i «terarystaŭ»
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku