«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana

Prezident ZŠA Donald Tramp znoŭ vykazaŭsia ŭ svajoj sacsietcy Truth Social pa iranskim pytańni. Hetym razam jahonaja pazicyja vielmi radykalnaja.

Donald Tramp. Fota: Chip Somodevilla/Getty Images

«My dakładna viedajem, dzie chavajecca tak zvany «Viarchoŭny lidar». Jon — lohkaja cel, ale znachodzicca ŭ biaśpiecy — my nie źbirajemsia likvidoŭvać jaho (zabivać!), prynamsi, pakul. Ale my nie chočam, kab rakiety lacieli pa mirnych žycharach abo amierykanskich sałdatach. Naša ciarpieńnie kančajecca. Dziakuj za ŭvahu da hetaha pytańnia!..» — napisaŭ Tramp.

Paśla jon napisaŭ jašče adnu, hetym razam zusim łakaničnuju repliku:

«BIEZUMOŬNAJA KAPITULACYJA».

Jašče raniej prezident ZŠA napisaŭ, što ŭ amierykancaŭ «poŭny i tatalny kantrol nad niebam nad Iranam». Jon pachvaliŭ iranskuju SPA, ale adznačyŭ, što jana nie paraŭnajecca z prydumanaj, raspracavanaj i vyrablenaj u ZŠA zbrojaj (Tramp užyŭ słova stuff).

Kamientary da artykuła