«Мы дакладна ведаем, дзе хаваецца так званы Вярхоўны лідар. Ён — лёгкая цэль». Трамп патрабуе капітуляцыі Ірана

Прэзідэнт ЗША Дональд Трамп зноў выказаўся ў сваёй сацсетцы Truth Social па іранскім пытанні. Гэтым разам ягоная пазіцыя вельмі радыкальная.

Дональд Трамп. Фота: Chip Somodevilla/Getty Images

«Мы дакладна ведаем, дзе хаваецца так званы «Вярхоўны лідар». Ён — лёгкая цэль, але знаходзіцца ў бяспецы — мы не збіраемся ліквідоўваць яго (забіваць!), прынамсі, пакуль. Але мы не хочам, каб ракеты ляцелі па мірных жыхарах або амерыканскіх салдатах. Наша цярпенне канчаецца. Дзякуй за ўвагу да гэтага пытання!..» — напісаў Трамп.

Пасля ён напісаў яшчэ адну, гэтым разам зусім лаканічную рэпліку:

«БЕЗУМОЎНАЯ КАПІТУЛЯЦЫЯ».

Яшчэ раней прэзідэнт ЗША напісаў, што ў амерыканцаў «поўны і татальны кантроль над небам над Іранам». Ён пахваліў іранскую СПА, але адзначыў, што яна не параўнаецца з прыдуманай, распрацаванай і вырабленай у ЗША зброяй (Трамп ужыў слова stuff).

Каментары да артыкула