Mierc: Izrail robić hetu brudnuju pracu za nas
Fiederalny kancler Hiermanii Frydrych Mierc vykazaŭsia pra ŭdary Izraila pa Iranie i zajaviŭ pra padtrymku izrailskamu ŭradu.
Frydrych Mierc (u centry) na samicie G7. Pobač ź im — premjer-ministr Vialikabrytanii Kir Starmier i kiraŭnica Jeŭrakamisii Ursuła fon der Lajen. Fota: AP Photo/Mark Schiefelbein
«Mahu tolki skazać, što adčuvaju vialikuju pavahu da taho, što izrailskaja armija i ŭrad mieli śmiełaść zrabić heta, — skazaŭ kancler Niamieččyny ŭ intervju telekanału ZDF na palach samitu G7. — Inakš my b nazirali teror hetaha režymu na praciahu mnohich miesiacaŭ i hadoŭ, a zatym, mahčyma, i ź jadziernaj zbrojaj u rukach».
Pa słovach Frydrycha Mierca, Tehieran raspaŭsiudžvaŭ «śmierć i razbureńni pa ŭsim śviecie z dapamohaj napadaŭ i zabojstvaŭ, a taksama «Chiezbały» i CHAMAS».
Palityk upeŭnieny, što napad bajevikoŭ CHAMAS na Izrail 7 kastryčnika «nikoli nie staŭ by mahčymym biez tehieranskaha režymu».
Raniej Frydrych Mierc vykazaŭsia kateharyčna suprać taho, kab pasiarednikam u vyrašeńni izrailska-iranskaha kanfliktu staŭ Uładzimir Pucin, paraiŭšy jamu zasiarodzicca na spynieńni vajny va Ukrainie.
Čytajcie taksama:
Mierc kateharyčna suprać pasiarednictva Pucina na Blizkim Uschodzie
Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja
Izrail zabiŭ i novaha kiraŭnika Hienštaba armii Irana. Jon zajmaŭ pasadu paru dzion
Tramp zaklikaŭ žycharoŭ Tehierana nieadkładna evakujavacca
Nietańjachu vykazaŭsia adnosna mahčymaha zabojstva viarchoŭnaha lidara Irana
Tramp nie źbirajecca padpisvać zajavu G7 pa pytańni izrailska-iranskaha kanfliktu