Iran zajaviŭ pra ŭdar pa štab-kvatery «Masada»
Iranskija rakiety ŭdaryli pa štab-kvatery izrailskaj raźviedvalnaj słužby «Masad», jakaja raźmieščanaja ŭ Hierclii niedaloka ad Tel-Aviva, paviedamiła ahienctva Tasnim.
Skrynšot videa Tasnim
Pa danych iranskaha telekanała SNN, udaru taksama padvierhnuŭsia łahistyčny centr vajennaj raźviedki Izraila ŭ rajonie bazy «Hliłot».
Niezadoŭha da hetaha ŭ Korpusie vartavych isłamskaj revalucyi (KVIR) abviaścili ab novaj atacy na Izrail, jakaja, jak padkreślili ŭ vajskovaj struktury, budzie «bolš mahutnaja i zrujnavalnaja, čym papiarednija».
Kamandujučy suchaputnymi vojskami iranskaj armii hienierał-major Kijumars Chiejdary adznačyŭ, što ŭ joj budzie vykarystoŭvacca «novaja zbroja», u tym liku vysokadakładnyja bieśpiłotniki dalokaha radyusu dziejańnia «Araš».
Izrailski bok infarmacyju pra ŭdary pa štab-kvatery «Masada» nie kamientavaŭ.