Іран заявіў пра ўдар па штаб-кватэры «Масада»
Іранскія ракеты ўдарылі па штаб-кватэры ізраільскай разведвальнай службы «Масад», якая размешчаная ў Герцліі недалёка ад Тэль-Авіва, паведаміла агенцтва Tasnim.
Скрыншот відэа Tasnim
Па даных іранскага тэлеканала SNN, удару таксама падвергнуўся лагістычны цэнтр ваеннай разведкі Ізраіля ў раёне базы «Глілот».
Незадоўга да гэтага ў Корпусе вартавых ісламскай рэвалюцыі (КВІР) абвясцілі аб новай атацы на Ізраіль, якая, як падкрэслілі ў вайсковай структуры, будзе «больш магутная і зруйнавальная, чым папярэднія».
Камандуючы сухапутнымі войскамі іранскай арміі генерал-маёр Кіюмарс Хейдары адзначыў, што ў ёй будзе выкарыстоўвацца «новая зброя», у тым ліку высокадакладныя беспілотнікі далёкага радыусу дзеяння «Араш».
Ізраільскі бок інфармацыю пра ўдары па штаб-кватэры «Масада» не каментаваў.