Kampanija Trampa budzie vypuskać imiannyja mabilniki ź cikavym taryfnym płanam
Kampanija prezidenta ZŠA Trump Organization, jakaja buduje hateli, pali dla holfa i inšuju nieruchomaść, zapuścić servis mabilnaj suviazi Trump Mobile. Pra heta piša The Wall Street Journal sa spasyłkaj na zajavu kampanii.
Fota: Joe Raedle/Getty Images
U žniŭni kampanija taksama abiacaje vypuścić smartfon amierykanskaj vytvorčaści T1 Phone. Jon budzie kaštavać $499 razam z hadavoj padpiskaj na taryfny płan Trump Mobile.
Kampanija zapeŭnivaje, što smartfony buduć vyrablacca ŭ ZŠA, ale ekśpierty ŭpeŭnienyja, što na samoj spravie hadžety z ekrannaj zastaŭkaj Make America Great Again buduć źbiracca ŭ Kitai.
Trump Mobile budzie pracavać pa madeli virtualnaha apieratara (MVNO) z usimi tryma viadučymi kampanijami na amierykanskim rynku sotavaj suviazi — AT&T Inc., Verizon Communications i T-Mobile.
Abanienty zmohuć padklučycca da Trump Mobile jak z dapamohaj T1 Phone, tak i praź inšyja telefony.
Asnoŭny taryf servisu budzie nazyvacca 47 Plan i stajać $47,45 u miesiac. Heta hulnia ličbaŭ, bo Tramp — 45-y i 47-y prezident ZŠA.