U Maładziečanskim rajonie hareŭ dach škoły
U ahraharadku Alachnovičy viečaram 16 červienia zahareŭsia dach siaredniaj škoły, jakuju ramantujuć.
Pažar patušyli ratavalniki MNS. Nichto nie paciarpieŭ. Aficyjnaja pradstaŭnica Minskaha abłasnoha ŭpraŭleńnia MNS Alena Niemahaj raskazała Kraj.by:
— 16 červienia ŭ 17:58 u centr apieratyŭnaha kiravańnia Maładziečanskaha harrajadździeła pa nadzvyčajnych situacyjach pastupiła paviedamleńnie pra toje, što ŭ Alachnovičach na Moładzievaj vulicy zahareŭsia dach budynka siaredniaj škoły. Na miesca prybyli dźvie aŭtacysterny i aŭtaleśvica. Škoła była zadymlenaja. Pažar patušyli ŭ 18:15. Ludzi nie paciarpieli.
Pavodle słoŭ Aleny Niemahaj, vyśvietliłasia, što budynak škoły znachodzicca na kapitalnym ramoncie. Pryčyna zdareńnia vyśviatlajecca.