Žychara Hrodna padazrajuć u spakušeńni małaletnich
Miascovy 24-hadovy mužčyna znajomiŭsia z 14-15-hadovymi dziaŭčynkami i mieŭ znosiny ź imi na adkrytyja temy ŭ Telegram i VK.
Padazravany nie adnojčy prapanoŭvaŭ padletkam asabistyja sustrečy, ale da ich sprava nie dajšła. Darosłym dzieci pra padazravanaha surazmoŭcu nie raspaviadali, ale mužčynu ŭsio roŭna zatrymali, paviedamili ŭ milicyi.
«Ciapier u dačynieńni da jaho zaviedziena kryminalnaja sprava pa artykule «raspusnyja dziejańni». Sankcyja praduhledžvaje da troch hadoŭ pazbaŭleńnia voli. Milicyja zaklikaje baćkoŭ pakłapacicca pra biaśpieku dziaciej u internecie: važna vybudoŭvać daviernyja adnosiny ŭ siamji, pieraścierahajučy dzicia ad znosin ź nieznajomcami», — paviedamiŭ teleradyjokampanii «Hrodna» aficyjny pradstaŭnik UUS Hrodzienskaha abłvykankama Pavieł Kałmahoraŭ.