U vyniku načnoj ataki Irana na Izrail zahinuli try čałavieki
U vyniku iranskaj rakietnaj ataki ŭ noč na paniadziełak u Izraili zahinuli try čałavieki i 67 čałaviek atrymali ranieńni.
Fota: Baz Ratner / AP
Ułady horada Pietach-Tykva paviedamlajuć pra traplańnie rakiety ŭ dom; pra traplańni rakiet (źbitych ci pramych trapleńniaŭ — pakul nie jasna) paviedamlaje i palicyja Tel-Aviva.
Ahienctva Reuters pieradaje, što brytanskaja manitorynhavaja firma Ambrey paćviardžaje raniejšyja paviedamleńni pra pažar na elektrastancyi pobač z portam u Chajfie.
Aficyjnyja struktury Izraila pakul ničoha pra razbureńni ŭ Chajfie nie zajaŭlali.
Tym časam kolkaść zahinułych u horadzie Bat-Jam u niadzielu vyrasła da dzieviaci: izrailskija ratavalniki ŭ noč na paniadziełak dastali z-pad zavałaŭ žyłoha doma, u jaki trapiła iranskaja rakieta, jašče dva cieły.
Bieź źviestak źnikłym u Bat-Jamie zastajecca jašče adzin čałaviek.
Raniej Ministerstva zamiežnych spraŭ Ukrainy paviedamlała sa spasyłkaj na papiarednija danyja svajho pasolstva ŭ Izraili, što piaciora z zahinułych u Bat-Jamie byli hramadzianami Ukrainy, i siarod ich — troje dziaciej.
Da hetaha paviedamlałasia, što siarod zahinułych było jak minimum dvoje dziaciej: 10-hadovy chłopčyk i 8-hadovaja dziaŭčynka.