U Červieńskim rajonie zahinuŭ 18-hadovy kiroŭca
Avaryja sa śmiarotnym vynikam adbyłasia 13 červienia kala 18:20, paviedamlaje DAI Minskaj vobłaści.
18-hadovy kiroŭca aŭtamabila Škoda Fabia, ruchajučysia pa aŭtadarozie R-59 «Łahojsk — Smalavičy — Marjina Horka» na 90-m kiłamietry nie vytrymaŭ biaśpiečnuju dystancyju ŭ dačynieńni da aŭtamabila Volvo V40. Im kiravała 43-hadovaja žančyna, jakaja pavaročvała naleva ŭ bok vioski Čyrvony Bierah.
U vyniku adbyŭsia bakavy kantakt dvuch aŭtamabilaŭ, paśla jakoha Škoda Fabia źjechała ŭ pravy kiuviet i pierakuliłasia.
Kiroŭca Škoda ad atrymanych traŭmaŭ zahinuŭ na miescy zdareńnia.