Drony USU ŭdaryli pa dvuch rasijskich abjektach VPK
Adno ź ich — viadučaje pradpryjemstva pa vytvorčaści kampanientaŭ vybuchovych rečyvaŭ.
U noč na 14 červienia ŭkrainskija bieśpiłotniki nanieśli ŭdary pa dvuch abjektach vajenna-pramysłovaha kompleksu Rasii, paviedamlaje «Ukrainskaja praŭda».
U pryvatnaści, paškodžany mahutnaści AAT «NNK» u Samarskaj vobłaści.
Heta viadučaje pradpryjemstva pa vytvorčaści kampanientaŭ vybuchovych rečyvaŭ, abjekt VPK Rasii. Zafiksavany vybuchi i pažar u rajonie pramysłovaj zony.
Taksama ździejśniena ahniavoje paražeńnie kambinata Nievinnamysk u Staŭrapolskim krai — adnaho z klučavych vytvorcaŭ bazavych kampanientaŭ dla vybuchovych rečyvaŭ, bojeprypasaŭ i rakietnaha paliva.
Hienštab padkreślivaje, što heta pradpryjemstva zadziejničana ŭ zabieśpiačeńni ŭzbrojenaj ahresii suprać Ukrainy. Viadoma pra sieryju vybuchaŭ i rabotu supraćpavietranaj abarony praciŭnika niepasredna ŭ rajonie mety, zafiksavana zaharańnie ŭ pramysłovaj zonie.
Vyniki ŭdakładniajucca.