Tramp: Niezrazumieła, ci zastałasia ŭ Irana jadziernaja prahrama

Prezident ZŠA Donald Tramp daŭ ahienctvu Reuters intervju pa telefonie. Jon skazaŭ, što Iran padvierhnuŭsia źniščalnamu ŭdaru z boku Izraila i što ciapier navat «niezrazumieła, ci jość u Irana jašče jadziernaja prahrama».

Donald Tramp. Fota: AP, Alex Brandon

Jak i ŭ inšych svaich vystupleńniach na praciahu dnia, Donald Tramp zaklikaŭ Tehieran pahadzicca na «ździełku».

«My ŭsio viedali, i ja sprabavaŭ vyratavać Iran ad prynižeńnia i śmierci. Ja sprabavaŭ vyratavać ich vielmi mocna, tamu što mnie vielmi chaciełasia b ubačyć, jak była dasiahnutaja ździełka. Adnak jany ŭsio jašče mohuć zaklučyć ździełku, jašče nie nadta pozna», — cytuje amierykanskaha prezidenta ahienctva.

U niadzielu płanavaŭsia čarhovy raŭnd niepramych amierykanska-iranskich pieramoŭ, ale Tramp skazaŭ, što nie ŭpeŭnieny, što jany adbuducca.

Kamientary da artykuła