U Breście dva čałavieki zahinuli ad pieradaziroŭki mietadonu
U Breście ad užyvańnia narkotykaŭ zahinuli adzin za adnym dvoje ludziej, paviedamiŭ Śledčy kamitet. Ciapier ułady šukajuć tych, chto raspaŭsiudžvaje narkotyki.
Fota ilustracyjnaje
Pieršy vypadak adbyŭsia 10 maja: minaki znajšli na vulicy cieła 47-hadovaha mužčyny. Miedyki, jakija pryjechali na miesca, kanstatavali śmierć.
Praz dva dni adbyłasia jašče adna trahiedyja — mužčyna vyjaviŭ svaju 42-hadovuju sužycielku miortvaj u ich kvatery. Padčas ahladu miesca zdareńnia śledčyja znajšli vykarystany špryc.
Miedycynskaja ekśpiertyza pakazała, što abodva bieraściejcy zahinuli ŭ vyniku atručvańnia mietadonam — asabliva niebiaśpiečnym narkotykam.
Śledčy kamitet raspačaŭ kryminalnyja spravy pa artykule ab niezakonnym abarocie narkotykaŭ, što pryvioŭ da śmierci ludziej. U SK padkreślivajuć: navat adnarazovaje ŭžyvańnie narkotykaŭ moža kaštavać žyćcia.
Čytajcie taksama:
Pamior aršaniec Andrej Korps — narkaman, jaki sprabavaŭ ratavać ad narkotykaŭ inšych
Elektrasamakatčyka z kakainam zatrymali ŭ Minsku
Jak samyja niebiaśpiečnyja narkakarteli śvietu zachoplivajuć Jeŭropu
U Puchavickim rajonie zatrymali zakładčykaŭ z 1,2 kh narkotykaŭ