Hałoŭnaha treniera futbolnaj zbornaj Karłasa Ałosa mohuć chutka zvolnić
Hałoŭny trenier zbornaj Biełarusi pa futbole, ispaniec Karłas Ałos, moža pakinuć svaju pasadu paśla adstaŭki staršyni Biełaruskaj fiederacyi futboła (BFF) Mikałaja Šarśniova.
Karłas Ałos
Jak paviedamlaje vydańnie «Priessboł» sa spasyłkaj na BFF, u kantrakcie Ałosa jość punkt, jaki dazvalaje jamu adnabakovym čynam razarvać damovu ŭ vypadku źmieny kiraŭnictva ŭ fiederacyi. Hetaja źmiena ŭžo faktyčna adbyłasia: Šarśnioŭ pajšoŭ z pasady z 1 červienia ŭ suviazi z novym pryznačeńniem — ciapier jon namieśnik kiraŭnika spraŭ Łukašenki.
Da 17 lipienia abaviazki kiraŭnika BFF vykonvaje jaho namieśnik Andrej Vasilevič. U hety dzień adbudziecca čarhovaja kanfierencyja, dzie vybieruć novaha kiraŭnika biełaruskaj futbolnaj struktury.
Karłas Ałos prymie rašeńnie pra svoj dalejšy los u Biełarusi paśla 17 lipienia. A ŭžo ŭ vieraśni nacyjanalnaja zbornaja pačnie adbor na čempijanat śvietu-2026.
Čytajcie taksama:
U pieršym matčy na novym futbolnym stadyjonie biełaruskaja zbornaja ŭčystuju prajhrała Rasii
Ispanski hałoŭny trenier praciahnuŭ kantrakt sa zbornaj Biełarusi, choć zadaču nie vykanaŭ
Pahladzicie, jakimi padarunkami ŭznaharodzili hałoŭnaha treniera futbolnaj zbornaj i jaho pamočnika