Pytańnie ab litoŭskich nacyjanalnych sankcyjach suprać Biełarusi i Rasii razhledziać na nastupnym tydni
Litoŭski Siejm 12 červienia vyrašyŭ nie razhladać pytańnie ŭviadzieńnia nacyjanalnych ekanamičnych sankcyj suprać Rasii i Biełarusi. Adnak, na dumku ministra zamiežnych spraŭ Kiastucisa Budrysa, heta, chutčej za ŭsio, adbyłosia z-za techničnych pryčyn, a sam zakonaprajekt budzie pradstaŭleny na razhlad na nastupnym plenarnym pasiadžeńni, piša Delfi.lt.
Budynak Siejma Litvy ŭ Vilni. Fota: Wikimedia Commons
Zhodna z prapanavanymi źmienami, urad Litvy moh by składać śpisy asob i kampanij z Rasii i Biełarusi, da jakich buduć prymianiacca sankcyi — naprykład, zamarožvańnie majomaści ci abmiežavańni ŭ peŭnych siektarach. Heta budzie tyčycca tych, chto padtrymlivaje vajnu suprać Ukrainy ci ŭdzielničaje ŭ represijach suprać hramadzianskaj supolnaści. U zakonie praduhledžanyja vyklučeńni, kali srodki iduć na ježu, miedycynu ci inšyja žyćciova važnyja patreby.
Taksama prapanujecca zabaranić impart i ekspart peŭnych technałohij i prahramnaha zabieśpiačeńnia, jakija mohuć vykarystoŭvacca ŭ vajskovych metach.
Upieršyniu nacyjanalnyja sankcyi Litvy byli pryniatyja ŭ 2023 hodzie, a ŭ krasaviku 2025-ha ich dziejańnie było praciahnuta jašče na hod. Akramia taho, pastrožanyja praviły vydačy viz i dazvołaŭ na žycharstva dla hramadzian Rasii i Biełarusi, a taksama abmiežavany ich pierachod praź źniešnija miežy ES.
Čytajcie taksama:
Tramp padoŭžyŭ nadzvyčajny režym u dačynieńni da Biełarusi jašče na hod
Jeŭrasajuz choča ŭvieści poŭnuju zabaronu na zakupku praduktaŭ z rasijskaj nafty
Jeŭrasajuz rychtuje poŭnuju zabaronu apieracyj ź biełaruskimi bankami