U najbližejšy čas Izrail moža ŭdaryć pa Iranie

Pra toje, što Izrail moža nanieści rakietny ŭdar pa Iranie ŭ vielmi karotkija terminy, piša Reuters. 

Padčas pratestnaj akcyi ŭ Iranie. Fota: Sobhan Farajvan/Pacific Press/LightRocket via Getty Images

Pra toje, što pahroza realnaja, śviedčać pavodziny ZŠA. 

Tak, pasolstva ZŠA ŭ Iraku pačynaje ekstrannuju evakuacyju svaich dypłamataŭ. Taksama amierykancy rychtujuć vyvaz svajho piersanału i z Kuviejta. 

Vajskovyja bazy ZŠA ŭ Bachrejnie znachodziacca ŭ stanie bajavoj hatoŭnaści, a siemjam vajskoŭcaŭ dazvolili vyjezd.

U toj ža čas i Vialikabrytanija papiaredžvaje ŭsie tankiery i inšyja sudny, kab jany byli napahatovie pry pierasiačeńni Piersidskaha zaliva.

Abvastreńnie situacyi źviazvajuć z prabuksoŭkaj pieramoŭ ZŠA i Irana pa jadziernaj prahramie. Iran zajaŭlaje, što nie choča mieć jadziernuju zbroju, ale praciahnie jadziernyja raspracoŭki. 

Kamientary da artykuła