U niekatorych rajonach Łos-Andželesa ŭviali kamiendanckuju hadzinu
Mer Łos-Andželesa Karen Bas i kiraŭnik miascovaj palicyi Džym Makdoneł abviaścili ab uviadzieńni kamiendanckaj hadziny ŭ niekatorych rajonach centra horada na fonie pratestaŭ suprać rejdaŭ imihracyjnaj słužby, piša Bi-bi-si.
Fota: Ethan Swope / AP
Jon budzie dziejničać z 8 viečara da 6 ranicy i praciahniecca niekalki dzion, skazała Bas. Pavodle jaje słoŭ, horadu naniesiena značnaja škoda, ale kamiendancki čas dziejničaje tolki na terytoryi płoščaj 1 kvadratnaja mila. Žychary hetych rajonaŭ i akredytavanyja supracoŭniki ŚMI nie buduć zakranutyja, dadała Bas
Kiraŭnik LAPD zajaviŭ, što kamiendancki čas źjaŭlajecca nieabchodnaj mieraj «dla vyratavańnia žyćciaŭ i abarony majomaści» paśla niekalkich dzion biesparadkaŭ. Jon taksama paviedamiŭ, što ŭ subotu byli aryštavanyja 27 čałaviek, u niadzielu — 40, u paniadziełak — 114, a ŭ aŭtorak — 197.
Karen Bas taksama zaklikała prezidenta Donalda Trampa spynić rejdy Imihracyjnaj i mytnaj palicyi (ICE) na nielehalnych mihrantaŭ. Pavodle jaje słoŭ, jana sprabuje źviazacca z Trampam i abmierkavać hetuju temu.
Čytajcie taksama:
U Łos-Andželes uviedzieny padraździaleńni marskoj piachoty
Dziaržaŭnyja kanały Biełarusi vydajuć sutyčki ŭ Łos-Andželesie za «razhon mitynhoŭcaŭ»
Tramp nakiroŭvaje Nachvardyju ŭ Łos-Andželesie, dzie iduć pratesty suprać palavańnia na mihrantaŭ
Hubiernatar Kalifornii zapatrabavaŭ adklikać Nachvardyju z Łos-Andželesa