Na niekatorych rekach pačałosia pavyšeńnie ŭzroŭniu vady
Hidrołahi paviedamili, što ŭ Biełarusi na šerahu rek nazirajecca pavyšeńnie ŭzroŭniu vady. Ale na inšych, naadvarot, praciahvajecca źnižeńnie, piša BiełTA.
Fota ilustracyjnaje
Pavyšeńnie ŭzroŭniu vady tyčycca rek Biarezina, Prypiać, Dźvina (u rajonie Suraža i Połacka), Nioman (na ŭčastku Bielica — Hrodna) i Dniapro (na adrezku Rečyca — Łojeŭ). Rost adbyvajecca ź intensiŭnaściu da 15 sm u sutki.
Na astatnich učastkach hetych rek, a taksama na Vilii i Sožy, uzrovień vady, naadvarot, źnižajecca — da 10 sm u sutki.
Na race Śvisłač (prytok Biareziny) kala vioski Cierabuty Puchavickaha rajona ŭzrovień vady pieravyšaje adznaku vychadu na pojmu, što śviedčyć pra mahčymaść raźlivu.
Na Niomanie ŭ rajonie Hrodna, Dniapry kala Mahilova i Sožy ŭ Kryčavie i Słaŭharadzie skłalisia niebiaśpiečnyja ŭmovy dla pracy račnoha transpartu.
Taksama paviedamlajecca, što tempieratura vady pavysiłasia: u rekach jana ciapier +15…+22°C, u inšych vadajomach — +17…+21°C.
Čytajcie taksama:
Učora Minsk znoŭ zatapiła. Čamu stalica nie hatovaja da daždžoŭ?
Prypiać upieršyniu za niekalki dziesiacihodździaŭ nie vyjšła ź bierahoŭ
«Dalej budzie zasucha». Na Paleśsi pierasychajuć bałoty, i heta moža mieć kiepskija nastupstvy