BIEŁ Ł RUS

U Hiermanii machlary paśpiachova abmieńvajuć staryja biełaruskija rubli jak novyja

26.05.2025 / 21:37

Nashaniva.com

U Hiermanii znoŭ zafiksavanyja vypadki machlarstva z vykarystańniem starych biełaruskich hrošaj, jakija ŭžo daŭno nie źjaŭlajucca płaciežnym srodkam. Pra dva takija incydenty paviedamiła palicyja horada Ešviehie ŭ ziamli Hiesen, piša sajt «Biełaruś i mir».

Fota ilustracyjnaje

U niadzielu, 25 maja, u dvuch roznych nasielenych punktach da miascovych žycharoŭ padychodzili ludzi (mierkavana ź Biełarusi) i prasili abmianiać biełaruskija rubli na jeŭra, tłumačačy heta tym, što im patrebnyja hrošy na paliva. U adnym vypadku mužčyna abmianiaŭ dźvie kupiury pa 500 rubloŭ na 200 jeŭra, u druhim — 2 500 rubloŭ na 500 jeŭra.

Paźniej vyśvietliłasia, što hetyja biełaruskija hrošy ŭžo vyviedzienyja z abaračeńnia i nie majuć nijakaj realnaj vartaści.

Ciapier palicyja šukaje padazravanych. Pavodle najaŭnaj infarmacyi, jany pierasoŭvalisia na ciomnym pazadarožniku, mahčyma, BMW X5. Hałoŭny padazravany — mužčyna va ŭzroście 25—30 hadoŭ, mocnaha ciełaskładu, z uschodniejeŭrapiejskaj źniešnaściu. Razam ź im byli žančyna i dvoje dziaciej.

Čytajcie taksama:

Piensijanierka chacieła zabiaśpiečyć sabie biaźbiednuju staraść, ale zamiest hetaha straciła 230 tysiač rubloŭ

Machlary zarablajuć na žadańniach školnikaŭ dobra zdać ekzamieny i CT

84-hadovaja minčanka addała machlaram 340 tysiač rubloŭ, jakija źbirała ŭnuku na kvateru

Kamientary da artykuła