Mieksikanski karabiel sutyknuŭsia z Bruklinskim mostam. Jość paciarpiełyja VIDEA
Navučalny karabiel VMS Mieksiki Cuauhtémoc pakidaŭ Ńju-Jork i ŭrezaŭsia ŭ Bruklinski most. Jak vynikaje ź videa, paruśnik nie raźličyŭ vyšyniu mačtaŭ, jakija ŭdarylisia ŭ most.
Padraździaleńnie palicyi Ńju-Jorka ŭ porcie rychtujecca da pasadki na mačtavy vučebny karabiel VMS Mieksiki, jaki sutyknuŭsia z Bruklinskim mostam 17 maja 2025 hoda. Fota: AP Photo / Yuki Iwamura
U Ńju-Jorku adbyłosia sutyknieńnie parusnaha vučebnaha sudna Vajenna-marskich sił Mieksiki z Bruklinskim mostam. U vyniku incydentu paciarpieli kala 20 čałaviek, čaćviora ź jakich atrymali surjoznyja traŭmy.
Pavodle słoŭ mera Ńju-Jorka Eryka Adamsa, u momant zdareńnia na borcie znachodzilisia 277 pasažyraŭ. Usie jany byli apieratyŭna evakuiravany.
U suviazi z avaryjaj ruch pa Bruklinskim moście byŭ časova prypynieny prykładna na 40 chvilin. Haradskija ŭłady Ńju-Jorka razam z pradstaŭnikami mieksikanskaha ŭrada pravodziać rasśledavańnie i likvidujuć nastupstvy incydentu.