Stali viadomyja ŭsie ŭltymatyŭnyja patrabavańni Rasii na pieramovach u Stambule

Siarod ich — admova Ukrainy ad terytoryj i pretenzij na reparacyi.

Rasijskaja delehacyja na čale z Uładzimiram Miadzinskim (druhi źleva) na pieramovach u Stambule. Fota: Arif Hudaverdi Yaman/Anadolu via Getty Images

Padčas zakrytaj sustrečy ŭ Stambule 16 maja pradstaŭniki rasijskaha boku ahučyli šerah patrabavańniaŭ da ŭkrainskaj delehacyi, nazvaŭšy ŭmovy, pry jakich Maskva hatovaja spynić ahoń. Siarod ich — admova Ukrainy ad terytoryj i pretenzij na reparacyi, paviedamiŭ Bloomberg sa spasyłkaj na krynicy, znajomyja z chodam pieramovaŭ

Pavodle infarmacyi Bloomberg, rasijskaja delehacyja na pieramovach u Stambule ahučyła šerah umoŭ dla pačatku mirnaha pracesu. U pryvatnaści, Maskva patrabuje, kab Ukraina:

• zamacavała niejtralny status, biez prysutnaści zamiežnych vojskaŭ i zbroi masavaha źniščeńnia na svajoj terytoryi;

• aficyjna admoviłasia ad patrabavańniaŭ reparacyj ad Rasii;

• pryznała anieksiju Kryma i jašče čatyroch rehijonaŭ, navat niahledziačy na toje, što rasijskija vojski nie kantralujuć ich całkam.

Rasijskaja delehacyja zajaviła, što rasijski lidar Uładzimir Pucin pahodzicca na spynieńnie ahniu tolki paśla taho, jak Ukraina vyviedzie svaje vojski z Chiersonskaj, Danieckaj, Łuhanskaj i Zaparožskaj abłaściej i pieradaść ich pad kantrol Rasii. Kreml taksama patrabuje mižnarodnaha pryznańnia ŭsich piaci rehijonaŭ jak častki RF.

Kamientary da artykuła