Rahačoŭski prapahandyst paŭhoda nie moža ŭładkavacca na pracu

U rahačoŭskuju hazietu Andreja Šyškina nie biaruć, zaŭvažyŭ «Fłahštok».

«Siońnia roŭna 6 miesiacaŭ, jak ja biespracoŭny. Na vialiki žal, usie maje šmatlikija sproby pracaŭładkavacca ŭ Rahačovie pakul nie prynieśli vyniku»,

— kanstatavaŭ eks-sienatar, były hałoŭny redaktar haziety «Svabodnaje słova» Rahačoŭskaha rajvykankama Andrej Šyškin u svaim telehram-kanale.

U kamientaryjach da pasta jon adkazaŭ byłomu kalehu Viktaru Iljuščanku, što ŭ miascovuju hazietu jaho taksama nie biaruć — pry tym, što tam jość volnyja pracoŭnyja miescy.

52-hadovy Šyškin byŭ hałoŭnym redaktaram rahačoŭskaj rajonnaj haziety, členam rajvykankama, staršynioj rajonnaj arhanizacyi «Biełaj Rusi», členam Savieta Respubliki Nacyjanalnaha schodu 7-ha sklikańnia, deputatam «Parłamienckaha schodu Sajuza Biełarusi i Rasii».

Jaho apošniaje miesca pracy — hazieta «Mazyrski naftapierapracoŭščyk». U listapadzie 2024 hoda mužčyna syšoŭ adtul praz «siamiejnyja abstaviny».

U rodnym Rahačovie jon pasprabavaŭ zarehistravacca ŭ jakaści biespracoŭnaha, ale sutyknuŭsia ź biurakratyjaj i raskrytykavaŭ dziaržsistemu, piša «Fłahštok».

U rajvykankamie zatym vykazali svaju pazicyju, zajaviŭšy, što prapanoŭvali prapahandystu «pradstaŭničuju pracu», ale toj admoviŭsia.

Šyškin staŭ viadomy ŭ 2019 hodzie tym, što vykazvaŭ nianaviść da biełarusaŭ, raspaŭsiudžvaŭ abrazy i zakliki da zabojstva.

Kamientary da artykuła