Polskija pamiežniki zajavili, što ź biełaruskaha boku mihrantam dapamahali ludzi ŭ formie
Videa pierachodu mihrantaŭ praz pamiežny płot apublikavaŭ Padlaski adździeł pamiežnaj achovy Polščy, zaŭvažyŭ Reform.
Skrynšot ź videa: Straż Graniczna
Zdareńnie adbyłosia ranicaj 14 traŭnia na ŭčastku zastavy la Čaramšy. Pa videa, apublikavanym pamiežnikami, bačna, jak try piersony prarazajuć płot i pierałaziać praź jaho.
«Mihranty z dapamohaj šlifavalnaj mašynki źniščyli techničnyja srodki biaśpieki na miažy. U ich taksama była z saboj leśvica. U składzie hrupy zamiežnikaŭ u techničnaj zaharody ź biełaruskaha boku znachodzilisia dvoje asob u formie, jakija sadziejničali niezakonnamu pierasiačeńniu miažy», — pišuć pamiežniki.
Adnaho ź mihrantaŭ zatrymali ŭ pamiežnaj pałasie, a jašče dvuch — trochi paźniej. Siarod zatrymanych — dvoje hramadzian Afhanistana i adzin hramadzianin Pakistana.