U centry Minska siamja kačak dyscyplinavana skarystałasia ź piešachodnaha pierachoda VIDEA
U tyktoku apublikavali miłaje videa, na jakim źniata, jak mama-kačka pierachodziła darohu sa svaimi ptušaniatami prosta pa piešachodnym pierachodzie ŭ centry Minska, zaŭvažyŭ Telegraf.news.
Skrynšot ź videa
Videa źniali na pierachodzie niedaloka ad stadyjona «Dynama» i budynka Ministerstva sportu i turyzmu. Choć ptuški pierajšli darohu ŭ dazvolenym dla hetaha miescy, adnak rabili heta na čyrvonaje śviatło.
Mašyny ŭ toj momant nie prajazdžali praz hety pierachod. Adnak jany byli pobač, choć mamu-kačku, jak i jaje kačaniat, heta nie pałochała.
«Voś u kaho treba vučycca dabryni i lubovi. Ujaŭlaju, jak joj strašna, ale nie ŭźlataje, viadzie dziaciej», — napisała adna z kamientatarak.
«Pieražyvaŭ za kačak bolš, čym za ŭłasnaje žyćcio», — dadaŭ inšy karystalnik.
Čytajcie taksama:
U minskim kanale płavaje kačka z prabitaju drocikam šyjaj
Babrujskija ratavalniki dapamahli kačcy
U Žabincy padletka ŭkusiła šalonaja kunica
U Barysaŭskim rajonie łasiania vyjšła pa dapamohu da ludziej FOTY