Uitkaf i Kiełah 15 maja pajeduć u Turcyju dla ŭdziełu ŭ pieramovach
Śpiecpasłańniki prezidenta ZŠA Styŭ Uitkaf i Kit Kiełah pajeduć 15 maja ŭ Stambuł dla ŭdziełu ŭ mahčymych pieramovach ab spynieńni vajny Rasii suprać Ukrainy. Pra heta piša Reuters sa spasyłkaj na try nienazvanyja krynicy.
Styŭ Uitkaf. Fota: Chip Somodevilla/Getty Images
Pierad hetym u noč na 11 maja prezident Rasii Uładzimir Pucin vystupiŭ na pres-kanfierencyi, prapanavaŭšy adnavić pramyja pieramovy z Ukrainaj «bieź jakich-niebudź papiarednich umoŭ» u Turcyi 15 maja.
Ukraina razam z sajuźnikami — Francyjaj, Hiermanijaj, Vialikabrytanijaj, Polščaj — zaklikali da 30-dzionnaha spynieńnia ahniu bieź jakich-niebudź umoŭ užo z 12 maja. Z anałahičnaj prapanovaj vystupali ZŠA.
Uviečary 12 maja prezident ZŠA Donald Tramp vykazaŭ mierkavańnie, što Ukraina pavinna pahadzicca na prapanovu Rasii ab pramych pieramovach u Turcyi.
Paśla taho prezident Ukrainy Uładzimir Zialenski zajaviŭ, što 15 maja budzie asabista čakać Pucina. Akramia hetaha, jon adznačyŭ, što choča, kab Tramp taksama prysutničaŭ u Turcyi. Sam Tramp kazaŭ, što razhladaje takuju mahčymaść.
Čytajcie taksama:
Prysutnaść Trampa na pieramovach u Stambule zaležyć ad taho, ci pryjedzie Pucin
Pucin nie palacić u Stambuł u sieradu