Kanfiskavanuju mašynu błohiera Pavuka pradajuć za śmiešnuju canu
Na placoŭcy «BiełJurZabieśpiačeńnie» vystavili na prodaž aŭtamabil, jaki naležyć viadomamu błohieru Andreju Pavuku, zaŭvažyŭ «Fłahštok». Pavuk daŭno znachodzicca ŭ emihracyi, a ŭ Biełarusi jaho sudzili zavočna, prysudziŭšy da 12 hadoŭ pazbaŭleńnia voli i vializnaha štrafu.
Fota: «BiełJurZabieśpiačeńnie»
Ciapier na aŭkcyjon vystaŭleny aŭtamabil Seat Ibiza II 1995 hoda vypusku. Dziaržava choča atrymać za jaho 800 rubloŭ — navat dla 30-hadovaha aŭto heta śmiešnaja suma.
Akazałasia, što u mašynie adsutničajuć ruchavik i karobka pieradač. Jak patłumačyŭ «Fłahštoku» sam Andrej Pavuk, raniej jon paśpieŭ pradać hetaje aŭto za biescań, bieź pieraafarmleńnia, užo znachodziačysia ŭ emihracyi.
Miarkujučy pa ŭsim, sudovyja vykanaŭcy zabrali mašynu ŭ novaha ŭładalnika, ale toj paśpieŭ dastać z aŭtamabila ruchavik i karobku pieradač.
Fota: «Fłahštok»
Fota: asabisty archiŭ Andreja Pavuka
Čytajcie taksama:
Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach
Andrej Pavuk abvinavačvaje svaju byłuju dziaŭčynu, što taja skrała jaho kamieru