BIEŁ Ł RUS

Karajeŭ: Na kancert Paliny Haharynaj u Hrodnie hrošy ŭziali ź biznesu

12.05.2025 / 17:11

Nashaniva.com

Na 9 maja ŭ Hrodnie miascovyja ŭłady arhanizavali kancert viadomaj rasijskaj śpiavački Paliny Haharynaj. Ale siarod uchvalnych vodhukaŭ, jak zaŭvažyła navat aficyjnaja hazieta abłvykankama «Hrodzienskaja praŭda», «znajšlisia i tyja, chto, jak zvyčajna, zachacieŭ ukałoć svaim źjedlivym kamientarom arhanizataraŭ», zapytaŭšysia, adkul hrošy na takuju raskošu. U vyniku niadaŭna pryznačany staršynia Hrodzienskaha abłvykankama Juryj Karajeŭ musiŭ apraŭdvacca.

Juryj Karajeŭ. Fota: Hrodzienskaja praŭda

«My bačyli kamientary pad rolikami z kancerta Paliny Haharynaj. Šmat było stanoŭčych vodhukaŭ. Niekatoryja źjedliva pytalisia, kolki z abłasnoha biudžetu palacieła hrošaj.

Adkazvaju — nikolki. Srodki pa apłacie kancerta pastupili ad prystojnych sponsaraŭ z pryvatnaha biznesu. Treba heta razumieć, što ŭ padatkapłacielščykaŭ my ni rubla na Palinu Haharynu abo na niejki inšy kancert nie ŭziali.

Niekatoryja mierkavali, što jana śpiavała biaspłatna. Biaspłatna nichto nie śpiavaje, adrazu kažu. Ale treba razumieć, što kiraŭnictva vobłaści i horada ź biudžetu na heta hrošaj nie tracić», — skazaŭ Juryj Karajeŭ.

Čytajcie taksama:

z«Tandem, jaki robić mocnyja chity». Hanna Siałuk i Hanna Błahava pradstavili novuju «patryjatyčnuju» pieśniu

U Minsku admianili tankavy fiestyval ad Lesta na 9 Maja. A abiacali «miehapadzieju»

Stała viadoma, chto budzie chedłajnieram kancerta ŭ Minsku 9 Maja

U biełaruskich haradach vystrojvajucca hihanckija čerhi na kancerty rasijskaha artysta Łazarava

Kamientary da artykuła