U niamieckaj psichijatryčnaj klinicy dla asudžanych pačaŭsia bunt
U klinicy dla asudžanych ź psichičnymi parušeńniami Bedburh-Chaŭ pačaŭsia bunt, piša Bild. Ranicaj adzin z pacyjentaŭ zładziŭ pahrom i zabarykadavaŭsia ŭ budynku. Tam adbyŭsia pažar, na miesca źjechaŭsia śpiecnaz u ŭsiaho rehijonu.
Klinika ŭ Bedburh-Chaŭ. Fota: Jan Ohmen / Bild
Da 27-hadovaha chłopca, jaki zładziŭ pahrom i, jak miarkujecca, byŭ pjany, dałučylisia inšyja pacyjenty. Prynamsi piać čałaviek pačali padpalvać meblu i budavać barykady.
U klinicy pačaŭsia pažar. Niekatoryja supracoŭniki ŭstanovy zmahli vyratavacca. Ciapier pravodzicca evakuacyja inšych pacyjentaŭ.
Na miesca vyjechaŭ śpiecnaz z usiaho rehijonu — u tym liku toj, što śpiecyjalizujucca na situacyjach z zachopam zakładnikaŭ. Da budynka padciahnuli braniavanyja aŭtamabili, śpiecnazaŭcaŭ pierakidvajuć na viertalotach.
Dla mahčymaha šturmu da budynka kliniki pryjechaŭ śpiecyjalny hruzavik z mabilnaj rampaj, jakaja dazvalaje praniknuć u budynak praz dach.